विश्वभारत News Website
Related Articles
नागपूर जिल्ह्यातील कुही तहसील कार्यालयातील तलाठी, मंडळ अधिकारी पैशाशिवाय काम करत नसल्याची तक्रार नागरिकांची आहे. चितगाव येथे पांधन रस्ता बांधकामासाठी मंगेश झाडे नावाच्या तलाठीने कंत्राटदाराकडून १० हजार रुपयांची लाच घेतल्याचा दावा अखिल भारत हिंदू महासभेचे राष्ट्रीय प्रचारक मोहन कारेमोरे यांनी केला आहे.
प्रकरण काय आहे?
चितगाव येथील पांधन रस्त्यावर मुरूम टाकण्यात आला. पण शेतात मोठी गाडी जात नसल्याने शेताच्या जवळ मुरूम टाकण्यात आला. शेताच्या बाजूला असलेला मुरूम पांधनपर्यंत घेऊन जाण्यासाठी ट्रॅक्टरद्वारे मदत घेण्यात आली. त्यासाठी तलाठी मंगेश झाडे यांनी कंत्राटदाराकडून १० हजार घेतले. या संपूर्ण प्रकरणाची चौकशी करावी, अशी मागणी कारेमोरे यांनी केली आहे. तसेच महसूल मंत्री तथा पालकमंत्री चंद्रशेखर बावनकुळे यांना प्रत्यक्ष भेटून तक्रार करणार असल्याची माहिती कारेमोरे यांनी दिली. शेतकऱ्यांना पांधन रस्ते तयार करून देण्यासाठी राज्य सरकारने कार्यक्रम जाहीर केलेला आहे. महसूल मंत्री बावनकुळे यांच्या गृह जिल्ह्यात या योजनेचा बट्ट्याबोळ खुद्द महसूल विभाग करत असल्याचा हा प्रकार समोर आला आहे.
