विश्वभारत News Website
Related Articles
टेलिग्रॅमवर पार्ट टाईम जाॅब देण्याचा मेसेज आला आणि 59 लाखांनी फसवणूक झाली, ही घटना नागपुरात उघडकीस आली आहे.
सायबर क्राईम सेलने नागरिकांनी अशा फसवणुकीला बळी न पडण्याचे आवाहन केले आहे. नागरिकांनी कोणतीही लिंक ओपन करू नये, असे सेलने कळवले आहे.
काय झाले नेमके?
विलास नगीना मिश्रा (वय 40) हे घरी असताना त्यांच्या मोबाईलमधील टेलिग्रॅम अॅपवर पार्टटाईम जाॅबची ऑफर देणारा मेसेज आला. मिश्रा यांनी पार्टटाईम जाॅब करण्याची तयारी दर्शवल्या नंतर आरोपीने त्यांना विविध टास्क पूर्ण करण्यास सांगितले. 9 एप्रिल 2023 ते 21 जून 2023 या कालावधीत मिश्रा यांनी हे टास्क पूर्ण करीत टास्क प्रमाणे 59 लाख 51 हजार 741रूपये जमा केले. मात्र त्या नंतरही आरोपीने मिश्रा यांना जाॅब दिला नाही. आपली फसवणूक झाल्याचे लक्षात येताच मिश्रा यांनी सायबर सेलमध्ये तक्रार दाखल केली.
आधुनिक तंत्रज्ञानाचा अजुनही अभाव
शहरातील सायबर सेल दोन पोलिस निरीक्षकांच्या भरोशावर चालतो. त्यामध्ये काम करणारे पोलिस हे तांत्रिक तज्ज्ञ नसल्याने अनेकदा आयटी प्रोफेशनल असलेल्या गुन्हेगारांच्या तुलनेत ते कमी पडतात. विशेष म्हणजे, त्यासाठी लागणारी तांत्रिक यंत्रणा आणि त्या क्षेत्रातील तज्ज्ञाची या ठिकाणी नेमणूक होणे अपेक्षित आहे. मात्र, केवळ काही प्रमाणात प्रशिक्षण घेतलेले आणि त्यात आवड असणारे पोलिस या विभागात कार्यरत आहेत. त्यामुळे तपासाला बऱ्याच मर्यादा येतात.
