विश्व भारत ऑनलाईन :
ठाकरे, शिंदे या दोन्ही गटाला निवडणूक आयोगाने मोठा धक्का देत धनुष्यबाण चिन्ह गोठविले. तसेच शिवसेना हे नावही वापरण्यास मनाई केली. आता यापुढे हे दोन्ही गट कोणते चिन्ह वापरणार?असा प्रश्न उभा राहीला आहे. याच पार्श्वभूमीवर आता शिंदे-सेनेचे तलवार चिन्ह असणार का? ही शक्यता निर्माण झाली आहे.
महाराष्ट्रात शिवसेनेतील बंडखोरीनंतर आयोगाने शनिवारी दिलेला निर्णय हा दोन्ही गटांसाठी धक्कादायक ठरला आहे. हा निर्णय तात्पुरत्या स्वरूपातील असल्याचे देखील आयोगाने सांगितले आहे. आयोगाच्या निकालानंतर आता शिवसेना म्हणून उभ्या राहिलेल्या दोन्ही गटांचे चिन्ह काय असेल यावरून जोरदार चर्चा सुरू झाल्या आहेत. अनेक तर्क वितर्क सध्या लावले जात आहेत. शिंदे सरकार आता या निर्णयानंतर तलवार हे चिन्ह घेणार अशी चर्चा सध्या रंगली आहे. तलवार हे एक चिन्ह सोडून आणखी काही चिन्हांची देखील चर्चा आहे. यामध्ये ढाल-तलवार, गदा यांचा समावेश आहे.