कर्नाटकचे माजी मुख्यमंत्री बीएस येडियुरप्पा यांच्याविरोधात पोलिसांनी गुन्हा दाखल केला आहे. येडियुरप्पा यांच्यावर एका अल्पवयीन मुलीचा लैंगिक छळ केल्याचा आरोप आहे. याप्रकरणी त्यांच्याविरुद्ध एफआयआर दाखल करण्यात आला आहे. पोक्सो आणि ३५४ (ए) आयपीसी कलमांर्तग गुन्हा दाखल करण्यात आला आहे.
तर, फेसबुकच्या माध्यमातून ओळख झाली होती. लग्नाचे आमिष दाखवून वारंवार अत्याचार केल्याप्रकरणी शिवसेनेचे संपर्कप्रमुख आणि माजी नगरसेवक सचिन जाधव यांच्यावर नगरमधील कोतवाली पोलीस ठाण्यात गुन्हा दाखल करण्यात आला आहे.
एका पीडित महिलेच्या फिर्यादी वरून कोतवाली पोलीस स्टेशनमध्ये हा गुन्हा दाखल करण्यात आला आहे. 2020 मध्ये फेसबुकच्या माध्यमातून त्या पीडित महिलेची आणि सचिन जाधव यांची ओळख झाली होती. त्या महिलेबरोबर शारीरिक संबंध प्रस्थापित करून महिलेचे विचित्र अवस्थेतील फोटोही काढून घेतले होते आणि कोणाला काही सांगितले तर फोटो व्हायरल करण्याची आणि मी तुझ्या मुलांना जिवे ठार मारुन टाकीन असा दम दिल्याने ती महिला भयभीत झाल्याने तिने हा प्रकार कोणालाही सांगितला नाही.