Breaking News

जिल्ह्यातील आरोग्य सुविधांबाबत दोन आठवड्यात उत्तर सादर करण्याचे उच्च न्यायालयाचे निर्देश !

  • माजी खासदार नरेश पुगलिया व इतर दोघांची मुंबई उच्च न्यायालयात याचिका !

चंद्रपूर महानगरपालिका, विभागीय आयुक्त, जिल्हाधिकारी, इंडियन कौन्सिल ऑफ मेडिकल रिसर्च, शासकीय वैद्यकीय महाविद्यालय व रुग्णालय आणि जिल्हा सामान्य रुग्णालय यांना नोटीस !

नागपूर : चंद्रपूर जिल्ह्यामध्ये विविध आरोग्य सुविधांचा अभाव व अन्य अनेक समस्या असल्यामुळे कोरोना रुग्णां
चे हाल होत आहेत, असा आरोप मुंबई उच्च न्यायालयाच्या नागपूर खंडपीठात दाखल जनहित याचिकेत करण्यात आला आहे. माजी खासदार नरेश पुगलिया व इ
तर दोघांनी ही याचिका दाखल केली आहे. याचिकेवर बुधवारी न्यायमूर्ती द्वय रवी देशपांडे व पुष्पा गणेडीवाला यांच्यासमक्ष सुनावणी झाली. त्यानं

 

तर न्यायालयाने केंद्रीय आरोग्य व कुटुंब कल्याण मंत्रालय, राज्याच्या आरोग्य मंत्रालयाचे प्रधान सचिव, केंद्रीय ड्रग्ज स्टैंडर्ड कंट्रोल ऑर्गनायझेशन, चंद्रपूर महानगरपालिका, विभागीय आयुक्त, जिल्हाधिकारी, इंडियन कौन्सिल ऑफ मेडिकल रिसर्च, शासकीय वैद्यकीय महाविद्यालय व रुग्णालय आणि जिल्हा सामान्य रुग्णालय यांना नोटीस बजावून दोन आठवड्यात उत्तर सादर करण्याचे निर्देश दिले.
चंद्रपूर जिल्ह्यामध्ये कोरोना रुग्णांसाठी आवश्यक खाटा व कोरोना रुग्णालये उपलब्ध नाहीत. जिल्ह्यात जीवनरक्षक औषधांचा तुटवडा आहे. कोरोना चाचणी सुविधा अपुऱ्या आहेत. चाचणीचे निदानही अचूक येत नाही, असे अनेक आरोप या याचिकेत करण्यात आले आहे.

About Vishwbharat

Check Also

दहा लाखाच्या संत्र्यावर शेतकऱ्याने फिरविला जेसीबी

विदर्भातील संत्रा उत्पादक शेतकरी सध्या अडचणीत सापडले आहेत.उत्पादन खर्च अधिक व कमी नफा मिळत आहे. …

नागपुरातील मेट्रोचा प्रवास होणार स्वस्त

शाळा, महाविद्यालये आणि इतर शैक्षणिक संस्थाना लागणा-या उन्हाळ्याच्या सुट्ट्या लक्षात घेता महामेट्रोने मेट्रोच्या प्रवासी भाड्यात …

Leave a Reply

Your email address will not be published. Required fields are marked *