तापमानाने चाळीशी पार केली. मात्र,अंगाची लाहीलाही होत असताना विदर्भाला पुन्हा अवकाळी पावसाने झोडपले. गुरुवारी विदर्भातील नागपूरसह अनेक जिल्ह्यात विजांचा कडकडाट आणि वादळी वाऱ्यासह मुसळधार पावसाने हजेरी लावली. वाशीम जिल्ह्यातील रिसोड व अमरावती जिल्ह्यातील धारणी तालुक्यात काही ठिकाणी गारपीट झाली. बुलढाणा जिल्ह्यात देखील विजांचे तांडव बघायला मिळाले.
नागपूर शहराला झोडपले
नागपूर शहरात अनेक ठिकाणी झाडे उन्मळून पडली. तसेच काही ठिकाणी वीज बंद झाल्याने अनेकांची तारांबळ उडाली. अशा झाडांची तातडीने विल्हेवाट लावावी, अशी मागणी होत आहे.
विदर्भ…
हवामान खात्याने तापमानवाढीसह अवकाळी पावसाचा इशारा दिला होता. त्यानुसार, विदर्भातील अनेक जिल्ह्यात तापमान ४० ते ४३ अंश सेल्सिअसदरम्यान होते.