Advertisements
गच्च भरल्या मेघात
बघ दाटला पाऊस…
सरीतून ऐकेन मी,
त्याच्या मनातले गूज
Advertisements
सरी उतरल्या खाली
पायी बांधुनिया चाळ…
शिवारात रांगणार,
आता पावसाचे बाळ
Advertisements
मोरपीस अलगद
तशा झरतात धारा…
वार्यासवे पावसाचा,
आला फुलून पिसारा
काय बोलला पाऊस ?
सांगा मातीच्या कानात
स्वप्न हिरवे फुलले,
तिच्या प्रत्येक कणात
जणू वाटावा विठ्ठल
तसा पाऊस सावळा
ढग वारकरी सारे,
त्यांचा आभाळात मेळा
उज्वला सुधीर मोरे
वाशिम
9552711968
Advertisements