विश्वभारत News Website
Related Articles
*वृद्धांना दिला काठीचा आधार*
कोरपना ता.प्र./सैय्यद मूम्ताज़ अली:-
समाजाचे ऋण फेडण्याचा छोटासा प्रयत्न म्हणून “सृष्टी बहुउद्देशीय संस्था गडचांदूर” चे अध्यक्ष प्रा.अनील पोडे यांनी स्वतःचा वाढदिवस अनोख्या पद्धतीने साजरा केला.त्यासाठी त्यांनी वरोडा,नवेगाव व शांतीनगर येथील ५० वयोवृद्ध महिला व पुरुषांना वृद्धवस्थेत काठीचा आधार म्हणून काठ्या वितरीत केल्या.कार्यक्रमाच्या अध्यक्षस्थानी जि.प. कृषी व पशुसंवर्धन सभापती सुनील उरकुडे उपस्थित होते.तर माजी सरपंच सुनील वांढरे,उपसरपंच नंदू तेलंग,प्राचार्या पोर्णिमा पोडे,अक्षय कायडिंगे,दिनेश घागरगुंडे इत्यादींची प्रामुख्याने उपस्थिती होती.
प्रत्येक युवकांनी म्हातारपणात आपल्या आई-वडिलांची सेवा करावी व त्यांचा इतिहास जाऊन बघावा,आज आपल्याकडे शेतात अत्याधुनिक तंत्रांचा वापर करून आपण कास्तकारी करतो.मात्र त्या काळात ते खांद्यावर नांगर घेऊन शेतापर्यंत जात होते.आपल्यासाठी ते दिवस-रात्र राबराब राबत होते.मात्र आता त्यांच्यावर वृद्धत्व आले असताना त्यांच्याकडे दुर्लक्ष न करता आपली एक संपत्ती म्हणून त्यांची विशेष काळजी घेण्याचे आवाहन सभापती उरकुडे यांनी अध्यक्षीय भाषणातून केले. प्रा.अनील पोडे यांनी अनोख्या पद्धतीने वाढदिवस साजरा करून समाजात एक आदर्श निर्माण केला व उतरत्या वयात वृद्धांच्या मनात आनंदाचा क्षण आणला.सदर कार्यक्रमाचे संचालन कोमल काळे,आभार रिता हनुमंते यांनी मानले.यशस्वितेकरिता एकलव्य इंग्लिश मीडियम स्कूल वरोडा येथील सर्व शिक्षक व गावकऱ्यांनी मोलाचे सहकार्य केले.
