Breaking News

आईवडिलांना सांभाळण्यास नकार देणाऱ्या मुलांची संपत्ती परत घेता येईल – हायकोर्ट

Advertisements

विश्व भारत ऑनलाईन :
मुलांना संपत्ती हस्तांतरित करताना आईवडिलांना वृद्धापकाळात मूलभूत सुविधा, शारीरिक काळजी न घेतल्यास आईवडील संपत्ती हस्तांरित करण्याचा करार रद्द करू शकतात, असा महत्त्वाचा निर्णय मद्रास उच्च न्यायालयाने दिला आहे.

Advertisements

कायद्यातील तरतुद २३ नुसार हा निकाल देण्यात आला आहे. मद्रास उच्च न्यायालयात भारतीय वायुदलातील निवृत्त अधिकारी आणि त्यांच्या पत्नीने मुलाविरोधात ही याचिका दाखल केली होती. या निकालात संबंधित मुलाचा उल्लेख न्यायमूर्ती पी. टी. आशा यांनी ‘निदर्य’ असा केला आहे.

Advertisements

मुलांनी सांभाळ करण्यास नकार दिल्याने याचिकाकर्ते एन. नागराजन आणि त्यांच्या बायकोला वृद्धापकाळात दागिने, मालमत्ता विकून स्वतःचा खर्च भागवावा लागत आहे, असे न्यायमूर्तींनी नमूद केले.

२०१२मध्ये नागराजन आणि त्यांच्या बायकोने मालमत्ता त्यांच्या मोठ्या मुलाला हस्तांतरित केली होती; पण मुलगा सांभाळत नसल्याने हे हस्तांतर रद्द करण्यात यावे, अशा मागणी करणारी याचिका एन. नागराजन आणि जिल्हा न्यायालयात दाखल केली होती. तर मुलाचे म्हणणे असे होते की, हे हस्तांतर होत असताना आईवडिलांना ३ लाख रुपये, तसेच मृत्यूपर्यंत संबंधित मालमत्तेवरील भाडे घेण्याचा अधिकार देण्यात आला आहे. त्यामुळे हे हस्तांतर एकतर्फी रद्द करता येणार नाही.

जिल्हा न्यायालयाने मुलाच्या बाजूने निर्णय दिला होता. हा निर्णय उच्च न्यायालयाने रद्द करत मुलगा आईवडिलांना सांभाळत नसल्याने संपत्तीचे हस्तांतरण मागे घेण्याचे अधिकार आईवडिलांना असल्याचे स्‍पष्‍ट केले.

Advertisements

About विश्व भारत

Check Also

जरांगेचा सरकारवर दबाव : हायकोर्टात याचिका

राज्य मागासवर्गीय आयोगाचे अध्यक्ष निवृत्त हायकोर्टाचे न्यायमूर्ती सुनील शुक्रे यांच्यासह आयोगाच्या इतर सदस्यांच्या नियुक्तीला जनहित …

लोकसभा चुनाव कब होंगे? चीफ इलेक्शन कमिश्नर राजीव कुमार ने दिया बड़ा अपडेट

2024 लोकसभा चुनाव को लेकर चुनाव आयोग से तैयारियां पूरी कर ली हैं। मुख्य चुनाव …

Leave a Reply

Your email address will not be published. Required fields are marked *