विश्वभारत News Website
Related Articles
विश्व भारत ऑनलाईन :
गाईला केंद्र सरकारने राष्‍ट्रीय प्राणी घोषित करावे, अशी मागणी करणारी याचिका आज सोमवारी सर्वोच्‍च न्‍यायालयाने फेटाळली.
यावेळी खंडपीठाने गाईला राष्‍ट्रीय प्राणी घोषित करावे यासाठी निर्देश देण्‍याचे हे काम न्‍यायालयाचे आहे का? जिथे आम्हाला वेळ खर्च करावा लागतो. तुमच्‍या कोणत्‍या मूलभूत अधिकारांवर परिणाम झाला आहे, तुम्‍ही कशासाठी न्‍यायालयात आला आहात? असे सवाल करित यावेळी खंडपीठाने याचिकाकर्त्या गोवंश सेवा सदनला फटकारले.
गाईला राष्‍ट्रीय प्राणी घोषित करावे यासाठी केंद्र सरकारला निर्देश देण्‍यात यावेत, अशी मागणी करणारी याचिका स्‍वंयसेवी संस्‍था गोवंश सेवा सदनने सर्वोच्‍च न्‍यायालयात दाखल केली होती. यावर न्यायमूर्ती संजय किशन कौल आणि न्यायमूर्ती अभय एस ओका यांच्या खंडपीठासमोर सुनावणी झाली.
