विश्वभारत News Website
Related Articles
विश्व भारत ऑनलाईन :
समाजवादी पक्षाचे प्रमुख आणि उत्तर प्रदेशचे माजी मुख्यमंत्री मुलायम सिंह यादव यांनी वयाच्या 82 व्या वर्षी अखेरचा श्वास घेतला. मागील काही दिवसांपासून गुरुग्राम येथील मेदांता रुग्णालयात त्यांच्यावर उपचार सुरु होते.22 ऑगस्टपासून त्यांना श्वास घेण्यात अडचण येत होती. आणि रक्तदाबाच्या तक्रारीमुळे रुग्णालयात दाखल करण्यात आले होते.
प्रकृतीत काहीच सुधारणा होत नसल्यामुळे 1 ऑक्टोबरपासून त्यांना ICU मध्ये दाखल करण्यात आले.पण अखेर त्यांची ही झुंज अपयशी ठरली. यंदाच मुलायम सिंह यादव यांच्या पत्नी, साधना गुप्ता यांचेही निधन झाले होते.
कुस्तीपटू ते राजकारणी
22 नवंबर 1939 ला जन्मलेल्या मुलायम यांचा पाच भावंडांमध्ये तिसरा क्रमांक. त्यांनी कुस्तीपटू म्हणून आपल्या आयुष्यातील एका नव्या कारकिर्दीची सुरुवात केली होती. पुढे ते प्राध्यापकही झाले. महाविद्यालयांमध्ये त्यांनी विद्यार्थ्यांना शिकवण्याची जबाबदारी घेतली. पुढे राजकारणातील गुरु, नत्थू सिंह यांना प्रभावित केल्यानंतर त्यांनी जसवंतनगर विधानसभा सीटवरून निवडणुकांच्या रिंगणात पाऊल ठेवलं. 1982-1985 पर्यंत ते विधान परिषदेचे सदस्य होते.
