Breaking News

Golden Arrows: आकाशातील प्रभुत्व आणि अचूक हल्ले, राफेल विमानं भारतीय हवाई दलाच्या ताफ्यात

Advertisements

पूर्व लडाखमध्ये भारत व चीन यांच्यात सीमेवरील तणाव वाढला असतानाच, अंबाला हवाई तळावर गुरुवारी राफेल लढाऊ विमानांच्या पहिल्या तुकडीचा भारतीय हवाई दलात औपचारिकरीत्या समावेश केला जाणार आहे.राफेल’च्या समावेशाबरोबरच, पारंपरिक सर्वधर्म पूजा, राफेल आणि तेजस विमानांसह ‘सारंग हवाई कसरत चमूचे’ हवाई प्रदर्शन यांचा कार्यक्रमात समावेश असेल.

Advertisements

हा कार्यक्रम हवाई दलाच्या इतिहासातील ‘अतिशय महत्त्वाचा मैलाचा दगड’ ठरेल, असे हवाई दलाच्या प्रवक्त्यांनी म्हटलं आहे. फ्रान्सच्या ‘दसॉल्त अ‍ॅव्हिएशन’ कंपनीने तयार केलेली राफेल लढाऊ विमाने त्यांचे आकाशातील प्रभुत्व आणि अचूक हल्ले यांसाठी प्रसिद्ध आहेत.

Advertisements

राफेल विमानांचा हवाई दलाच्या १७व्या स्क्वाड्रनमध्ये समारंभपूर्वक समावेश होण्यापूर्वी राफेलच्या ताफ्याला पाण्याच्या तोफांची (वॉटर कॅनन) पारंपरिक सलामी दिली जाईल, असे वायुदलाचे प्रवक्ते विंग कमांडर इंद्रनील नंदी यांनी सांगितले. ५९ हजार कोटी रुपये किमतीची ३६ राफेल विमाने खरेदी करण्यासाठी भारताने फ्रान्सशी आंतर-सरकार करार केल्यानंतर सुमारे ४ वर्षांनी पाच राफेल विमानांची पहिली तुकडी २९ जुलैला भारतात पोहोचली होती.

संरक्षणमंत्री राजनाथ सिंह, त्यांचे फ्रान्समधील समपदस्थ फ्लोरेन्स पार्ली, संरक्षण दले प्रमुख जनरल बिपिन रावत, हवाई दल प्रमुख एअर चीफ मार्शल आरकेएस भदौरिया व संरक्षण सचिव अजय कुमार यांच्यासह अनेक मान्यवर व्यक्ती या कार्यक्रमात उपस्थित राहतील. या समारंभात सहभागी होणाऱ्या फ्रेंच शिष्टमंडळात फ्रान्सचे राजदूत इमॅन्युएल लेनाइन, फ्रान्सच्या वायुसेनेचे उपप्रमुख एअर जनरल एरिक ऑटेलेट, दसॉल्त अ‍ॅव्हिएशनचे अध्यक्ष व मुख्य कार्यकारी अधिकारी एरिक ट्रॅपियर आणि क्षेपणास्त्र उत्पादक कंपनी एमबीडीएचे सीईओ एरिक बेरांजर यांचा समावेश असेल.

Advertisements

About Vishwbharat

Check Also

ट्रेन सेवा बाधित करेंगे आंदोलनकारी किसान? पुलिस प्रशासन पूरी तरह अलर्ट 

ट्रेन सेवा बाधित करेंगे आंदोलनकारी किसान? पुलिस प्रशासन पूरी तरह अलर्ट टेकचंद्र सनोडिया शास्त्री: सह-संपादक …

3 दिन रहेगा इंटरनेट बंद : किसानों का दिल्ली कूच से पहले हरियाणा सरकार अलर्ट ? बॉर्डर पर बैरिकेडिंग

3 दिन रहेगा इंटरनेट बंद : किसानों का दिल्ली कूच से पहले हरियाणा सरकार अलर्ट …

Leave a Reply

Your email address will not be published. Required fields are marked *