विश्वभारत News Website
Related Articles
नागपूर : शहरातील सक्करदरा परिसरात शुक्रवारी रात्री 10 वाजेच्या सुमारास भीषण अपघात झाला. या दुर्घटनेत दुचाकीवरून जाणारे चौघे जण सुमारे 70 ते 80 फूट उंच फ्लायओवरवरून खाली फेकले गेल्याने चौघांचा मृत्यू झाला. माहितीनुसार, मृतांमध्ये 2 चिमुरड्यांचाही समावेश आहे.
सक्करदरा परिसरात रात्री सव्वा दहा वाजण्याच्या सुमारास फ्लायओवरवर गर्दीतून जाताना अनियंत्रित चारचाकी कारने दोन दुचाकींना जोरात धडक दिली. त्यामुळे दुचाकीवरील चौघे जण फ्लायओवरच्या खाली फेकले गेले. दुचाकीवरील चौघेही सुमारे 70 ते 80 फूट उंचीवरून खाली असणाऱ्या रस्त्यावर फेकले गेल्याने चौघेजण गंभीर जखमी झाले आहे. या चौघांणा शासकीय वैद्यकीय रुग्णालयात दाखल करण्यात आले.
धडक देणाऱ्या चार चाकी वाहनाच्या चालकाला पोलिसांनी ताब्यात घेतले असून तो कारच्या मालकाचा ड्रायव्हर असल्याची माहिती समोर आली आहे. गंभीर जखमी असलेल्या चौघांचा मृत्यू झाल्याची माहिती आहे. मृतामध्ये एक पुरुष, एक स्त्री आणि दोन लहान मुलांचा समावेश आहे. तर चारचाकीने धडक दिलेल्या दुसऱ्या दुचाकी वर बसलेले चौघेही गंभीर जखमी झाले आहे.
