Breaking News

मोह आवरेना : अंबाझरी तलावात पोहताना मुलाचा मृत्यू

विश्व भारत ऑनलाईन :
नागपूर शहरातील अंबाझरी तलावावर मित्रांसोबत फिरायला आलेल्या १२ वर्षीय मुलाला पोहण्याचा मोह आवरता आला नाही. त्या मुलाचा पोहताना बुडून मृत्यू झाला. शौर्य तुकाराम कोहळे (१२, रा. लोखंडेनगर) असे मृत मुलाचे नाव आहे. गेल्या १० महिन्यांतील अंबाझरी तलावातील हा बारावा बळी आहे. शौर्य हा शनिवारी दुपारी दोन वाजता वस्तीतील चार मित्रांसह अंबाझरी तलावावर गेला होता.

चौघेही पाण्यात उतरले. शौर्य याला पोहणे येत नव्हते तरी तो खोल पाण्यात गेला. तो बुडायला लागला. त्यामुळे त्याच्या तीनही मित्रांनी आरडाओरड केली. परंतु, त्याला कुणीही मदत केली नाही. माहिती मिळताच अग्निशमनदलाचे जवान अंबाझरी तलावावर पोहचले. त्यांनी शौर्यचा शोध घेतला. परंतु, त्याचा मृतदेह मिळून आला नव्हता. रविवारी सकाळी शौर्यचा मृतदेह तरंगताना आढळून आला. या प्रकरणी अंबाझरी पोलिसांनी आकस्मिक मृत्यूची नोंद केली.

About विश्व भारत

Check Also

नागपुरातील हिवाळी अधिवेशनात सामान्यांना भोपळा मिळणार काय?

महाराष्ट्रात विदर्भाला जोडण्यासाठी तत्कालीन राज्यकर्त्यांनी 28 सप्टेंबर 1953 ला नागपूर करार केला.त्यानुसार यंदाही नागपुरात हिवाळी …

नागपुरातील हिवाळी अधिवेशनात पत्रकारांसाठी कॅन्टीन आणि झुणका भाकर केंद्र

नागपुरातील हिवाळी अधिवेशनात पत्रकारांसाठी भव्य व्यासपीठ उभारण्यात आले आहे. पत्रकार ताटकळत उन्हात उभे राहून कार्य …

Leave a Reply

Your email address will not be published. Required fields are marked *