विश्वभारत News Website
Related Articles
हजारो-लाखो भाविकांचे श्रद्धास्थान असलेले नाशिक जिल्ह्यातील सप्तशृंगी देवी मंदिर नविन वर्षानिमित्त भाविकांसाठी 24 तास खुले राहणार आहे.
दरवर्षी लाखो भाविक नवीन वर्षाची सुरवात ही सप्तशृंगी देवीच्या दर्शनाने करत असतात. यावर्षी भाविकांची वाढती गर्दी लक्षात घेता मंदिर शनिवार,आज (दि. 31) दिवसभर खुले ठेवण्याचा निर्णय मंदिर प्रशासनाने घेतला आहे.
यावर्षी सप्तशृंगीगडावर नववर्षाच्या स्वागतासाठी नेहमीपेक्षा जास्त गर्दी होण्याची शक्यता आहे. सप्तशृंगी देवीच्या दर्शनासाठी विविध राज्यातून मोठ्या संख्येने भाविक -भक्तांची गर्दी वाढते आहे. त्यामुळे मंदिर देवस्थानच्या वतीने येणाऱ्या भाविकांची गर्दी विभागली जावी आणि सर्वांना सहजतेने भगवती दर्शन घेता यावे यासाठी मंदिर 24 तास खुले ठेवण्याचा निर्णय घेण्यात आला, अशी माहिती विश्वस्त संस्थेच्या मार्फत देण्यात आली आहे.
