Breaking News

माजी मंत्र्याच्या तोतया PA कडून वनविभागात नोकरीचे आमिष : पोलिसांनी केली अटक

Advertisements

माजी राज्यमंत्री आणि भाजपचे आमदार प्रवीण पोटे यांचा खाजगी सचिव (पीए) ‎असल्याचे सांगून वन विभागात नोकरी ‎‎देण्‍याचे आमिष दाखवत एका जणाने ‎‎सहा तरुणांची २ ‎‎‎लाख २९ हजार ‎‎‎रुपयांची फसवणूक केली. या तोतया ‘पीए’ ला फसगत झालेल्या ‎‎‎तरुणांनीच‎‎ पकडून ‎बडनेरा ठाण्यात नेले.याप्रकरणी‎ तक्रारीवरून बडनेरा पोलिसांनी ‎फसवणुकीचा गुन्हा दाखल करून‎ आरोपीला ताब्यात घेतले आहे.‎ सचिन रवींद्र मोंढे (३२, रा. निंभोरा,‎बडनेरा) असे या ठकबाजाचे नाव‎ आहे. या प्रकरणात बडनेरा कंपासपुरा‎ येथील प्रवीण परसराम अतकरी (५२)‎ यांनी तक्रार दिली आहे. तक्रारीनुसार,‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ प्रवीण अतकरी हे पानठेला चालवत‎ असून, त्यांना दोन मुले आहेत. त्यांचा ‎लहान मुलगा हा बीए प्रथम वर्षात‎ शिकत आहे.

Advertisements

सचिन मोंढे हा‎ प्रवीण अतकरी यांच्या पानठेल्यावर‎ नेहमी यायचा, त्यामुळे त्याच्यासोबत‎ अतकरी यांची ओळख झाली होती. ‎त्यावेळी त्याने तुमचा मुलगा काय‎ करतो, मी आमदार प्रवीण पोटे यांचा ‘पीए’ असून तुमच्या ‎मुलाला वन विभागात सरकारी नोकरी लावून‎ देवू शकतो. तसेच तुमच्या ओळखीचे‎ आणखी काही तरुण असतील, त्यांनाही सांगा.‎ नोकरीसाठी मला प्रत्येकी साडेतीन लाख रुपये ‎द्यावे लागतील. तसेच पहिल्यांदा ३० हजार‎ रुपये द्या, उर्वरित रक्कम मुलाच्या पगारातून‎ कापून घेईल, असे त्याने सांगितले.‎त्याचवेळी त्याठिकाणी येणाऱ्या इतरही मुलांना‎ सचिन मोंढेने नोकरी लावून देतो, असे आमिष ‎देऊन प्रत्येकी साडेतीन लाख रुपये लागणार‎ असे सांगितले. त्यावेळी सहा जण तयार झाले.‎

Advertisements

२५ नोव्हेंबर २०२३ रोजी प्रवीण‎ अतकरी यांनी ३६ हजार रुपये ऑनलाइन, तर‎ इतर पाच जणांनी‎ एकूण २ लाख २९ हजार रुपये त्याला दिले.‎ त्यानंतर रक्कम देणारे तरुण त्याला नोकरीसाठी‎ विचारणा करीत होते, तर तो उडवाउडवीची ‎उत्तरे देत होता. त्यानंतर त्याला रक्कम परत ‎मागितली तर टाळाटाळ करीत होता. त्यानंतर‎ अतकरी व रक्कम देणाऱ्या इतरांनी त्याची‎ माहिती घेतली असता तो आमदार प्रवीण पोटे यांचा ‘पीए‎’ नसल्याची माहिती समोर आली. त्यामुळे त्याला पकडून बडनेरा पोलिसांसमोर हजर‎ केले. या प्रकरणात पोलिसांनी गुन्हा दाखल‎ करून आरोपीला ताब्यात घेतले आहे. अजूनही‎ काही व्यक्तींकडून त्याने रक्कम‎ घेतल्याची शक्यता नाकारता येत ‎नसल्‍याने या प्रकरणाचा ‎सखोल तपास सुरू आहे, अशी माहिती पोलिसांनी दिली.

Advertisements

About विश्व भारत

Check Also

युवती को बनाया हवस का शिकार? अब छोटी बहन पर बुरी नजर : क्या है मामला?

युवती को बनाया हवस का शिकार? अब छोटी बहन पर बुरी नजर : क्या है …

नागपूर : खापरखेडा बिजलीघर बना शराबियों और अय्याशियों का अड्डा! नॉनवेज पार्टी, नशे में धुत मिले कर्मचारी

नागपूर : खापरखेडा बिजलीघर बना शराबियों और अय्याशियों का अड्डा! नॉनवेज पार्टी, नशे में धुत …

Leave a Reply

Your email address will not be published. Required fields are marked *