विश्वभारत News Website
Related Articles
3 हजार रुपयांची लाच स्वीकारताना मंडळ अधिकारी लाचलुचपत विभागाच्या जाळ्यात
मूल,
तालुक्यातील भेजगाव येथील एका शेतकर्याकडून फेरफारकरिता 3 हजार रुपयांची लाच स्वीकारताना बेंबाळ महसूल मंडळाचे निरीक्षक महादेव कन्नाके यास चंद्रपूर लाचलुचपत प्रतिबंधक विभागाच्या पथकाने सोमवार, 21 जून रोजी दूपारी 12 वाजताच्या सुमारास रंगेहात पकडले.
भेजगाव येथील शेतकरी आणि सरपंच अखिल गांगरेड्डीवार यांच्याकडून फेरफारकरिता महादेव कन्नाके यांनी 5 हजार रुपयांची मागणी केली. तीन हजारांमध्ये तडजोड झाली. मात्र, अखिल गांगरेड्डीवार यांना लाच देण्याची इच्छा नसल्याने त्यांनी चंद्रपूर येथील लाचलुचपत प्रतिबंधक विभागाकडे तक्रार दाखल केली. दरम्यान, सोमवारी लाचलुचपत विभागाने मूल तहसील कार्यालयाजवळ सापळा रचला आणि अखिल गांगरेड्डीवार यांच्याकडून तीन हजार रुपये स्वीकाराताना महादेव कन्नाके यास रंगेहात पकडले.
