Breaking News

तहसीलमध्ये अडकले महिला, वृद्धांचे अनुदान

संजय गांधी निराधार योजना, श्रावण बाळ योजना लाभार्थींमध्ये सर्वसाधारण, अनुसूचित जाती व अनुसूचित जमाती असे गट पाडून अनुदान वितरणाला सुरुवात झाली आहे.

या लाभार्थींना अनुदान सध्या उपलब्ध झाले आहे. आतापर्यंत एप्रिल ते सप्टेंबर पर्यंतचे अनुदान वितरीत झाले. तरी ऑक्टोबरचे अनुदान अद्याप वितरीत करण्यात आलेले नाही. ऑक्टोबर महिन्याचे अनुदान प्रोसेसमध्ये असल्याचे संजय गांधी योजना कार्यालयाने सांगितले. सहा योजनांच्या माध्यमातून एक लाख ८६ हजार ७९३ लाभार्थी अनुदानाचा लाभ घेत आहेत.

संजय गांधी निराधार योजनेचे सर्वसाधारण गटाच्या लाभार्थींना एप्रिल ते सप्टेंबर पर्यंत २६ कोटी ८४ लाख ८९ हजार २०० रुपयांचे वाटप करण्यात आले आहे. अनुसूचित जातीच्या लाभार्थींना सहा कोटी २८ लाख ९९ हजार ९०० रुपयांचे वाटप करण्यात आले आहे. अनुसूचित जमातीच्या लाभार्थींना ५७ लाख ९८ हजार ६०० रुपये वाटप करण्यात आले आहे.

अजून ऑक्टोबरचे अनुदान मिळणे बाकी आहे. अजून डिसेंबर पर्यंत पुरेल एवढे पुरेसा निधी संजय गांधी निराधार योजनेच्या सर्वसाधारण लाभार्थींकरता जिल्ह्याकडे उपलब्ध आहे. श्रावण बाळ सेवा राज्य निवृत्ती वेतन योजनेच्या अनुसूचित जातीच्या लाभार्थींना १२ लाख ९९ हजार २९ हजार ५०० रुपयांचे वाटप करण्यात आले आहे तर अनुसूचित जमातीच्या लाभार्थींना एक कोटी ११ लाख ७८ हजार २०० रुपयांचे वाटप करण्यात आले आहे. सर्वसाधारण लाभार्थींना ५८ कोटी ६० लाख २६ हजार ९०० रुपयांचे वाटप करण्यात आले आहे.

About विश्व भारत

Check Also

शंभर कोटींची रेती तस्करी : मुख्यमंत्र्यांच्या पालक जिल्ह्यात प्रकार

जिल्ह्यात वैनगंगेसह इतर नदीपात्रातून बेसुमार रेती तस्करी होत आहे. यातून शासनाचा शंभर कोटी रुपयांचा महसूल …

अर्पण फाउंडेशन के तत्वावधान में महिलाओं के स्वास्थ की जांच

अर्पण फाउंडेशन के तत्वावधान में महिलाओं के स्वास्थ की जांच टेकचंद्र सनोडिया शास्त्री: सह-संपादक रिपोर्ट …

Leave a Reply

Your email address will not be published. Required fields are marked *