Breaking News

नागपूरजवळील कोंढाळीत बसला लागली आग : काय झालं?… वाचा

Advertisements

नागपूर-अमरावती मार्गांवरील कोंढाळी बसस्थानकाजवळ एस. टी. महामंडळाच्या बसला अचानक आग लागल्याची घटना घडली. सुदैवाने वेळीच ड्रायव्हर आणि कंडक्टर यांनी आग विझवल्याने मोठी दुर्घटना टळली आहे. एम. एच. 14, बीटी 5034 क्रमाकांची बस नागपूरच्या मध्यवर्ती बस स्थानकावरून सकाळी साडेपाच वाजता 16 प्रवासी घेऊन धुळ्याकडे ही बस निघाली होती.

Advertisements

कोंढाळी बसस्थानकावर साडेसात वाजता बस दाखल झाली होती. काही वेळातच बसच्या इंजीनमधून धूर निघायला सुरुवात झाली. आणि पाहाता पाहाता बसच्या इंजिनने पेट घेतला. ही गोष्ट चालकाच्या लक्षात येताच त्याने सर्व प्रवाशांना बसखाली उतरले आणि अग्निशमन यंत्राने आग विझवली. बसच्या चालक आणि वाहकाच्या समयसूचकतेमुळे मोठी दुर्घटना टळली.

Advertisements

यापूर्वी 31जून 2023 रोजी नागपूरहून पुण्याच्या दिशेने जाणाऱ्या खासगी बसला बुलढाण्यात समृद्धी महामार्गावर भीषण अपघात झाला हाेता. खांबाला धडकून उजव्या बाजूच्या संरक्षक कठड्यावर आदळलेली बस आधी डावीकडे पलटी झाली, नंतर काही क्षणातच तिने पेट घेतला. या अपघातात बसमधील 25 प्रवाशांचा होरपळून मृत्यू झाल्याची दुदैवी घटना घडली होती.

हा अपघात हिंदूहृदयसम्राट बाळासाहेब ठाकरे समृद्धी महामार्गावर बुलढाणा जिल्ह्यातील सिंदखेडराजा येथील पिंपळखुटा भागात झाला होता. बसमध्ये एकूण 33 जण प्रवास करत होते. यापैकी 25 प्रवाशांचा आगीत होरपळून मृत्यू झाला होता. तर चालकासह आठ जण बसच्या खिडकीच्या काचा फोडून बाहेर पडल्याने त्यांचा जीव वाचला होता

Advertisements

About विश्व भारत

Check Also

अधिकाऱ्यांनी केली जंगलात ६४० एकर जमीन खरेदी : जिल्हाधिकाऱ्यांच्या अहवालात काय दडलंय?

सातारा जिल्ह्यातील दुर्गम कांदाटी खोऱ्यातील सह्याद्री व्याघ्र प्रकल्पालगत असलेल्या झाडाणी (ता. महाबळेश्वर) गावात उच्चपदस्थ सरकारी …

छिन्दवाडा में बिजली गिरने से स्ट्रांग रूम के CCTV कैमरे बन्द! अंधेरे की आड में खेला? नकुलनाथ ने की चर्चा

छिन्दवाडा में बिजली गिरने से स्ट्रांग रूम के CCTV कैमरे बन्द! अंधेरे की आड में …

Leave a Reply

Your email address will not be published. Required fields are marked *