विश्वभारत News Website
Related Articles
वर्धा जिल्हा प्रतिनिधी : -राष्ट्रीय अन्न सुरक्षा योजनेअंतर्गत शिधापत्रिकाधारकांना सप्टेंबर महिन्याचे अन्न धान्य वितरण जाहिर करण्यात आले आहे.
प्राधान्य कुंटूंबातील लाभार्थ्यांना गहू प्रति व्यक्ती 3 किलो 2 रुपये दराने, तांदूळ प्रति व्यक्ती 2 किलो 3 रुपये दराने, अंत्योदय योजना गहू प्रति शिधापत्रिका 15 किलो, तांदूळ प्रति शिधापत्रिका 20 किलो. एपीएल शेतकरी योजना गहू प्रति व्यक्ती 3 किलो, तांदूळ प्रति व्यक्ती 2 किलो. प्रधानमंत्री गरीब कल्याण योजने अंतर्गत प्रति व्यक्ती गहु 2 तांदूळ 3 किलो व प्रति शिधापत्रिका 1 किलो चनादाळ मोफत पुरविण्यात येणार आहे. साखर फक्त अंत्योदय योजना प्रति शिधापत्रिका 1 किलो प्रमाणे किंवा साठा उपलब्धतेनुसार 20 रुपये दराने देय राहील.
केरोसिन मिळण्यास पात्र शिधापत्रिकाधारकांना प्रति 1 व्यक्ती 2 लिटर , 2 व्यक्ती 3 लिटर व 3 व्यक्ती वरील केरोसिन मिळण्यास पात्र शिधापत्रिका 4 लिटर याप्रमाणे देय राहील. गॅस सिलेंडर धारकांना केरोसिन देय राहणार नाही. अंत्योदय अन्न योजना व प्राधान्य कुंटूंब लाभार्थ्यांना तुरदाळ 55 रुपये प्रति किलो दराने व चनादाळ 45 रुपये प्रति किलो दराने धारकांच्या मागणी प्रमाणे उपलब्धतेनुसार 1 किलो प्रमाणे . वितरण करण्यात येईल, असे जिल्हा पुरवठा अधिकारी यांनी कळविले आहे.
