बंगलोर येथून द्राक्षे भरून नागपूरला येणारा ट्रक समृद्धी महामार्गावर बुधवारी सकाळी उलटला. या आठवड्यात समृद्धी प्रवेश व्दारावर घडलेला हा तिसरा अपघात आहे. या घटनेत ट्रक चालक अभिजीत मंडल जखमी झाला.बंगलोर येथून द्राक्षे भरून ट्रक क्र डब्ल्यू बी ६७ सी १३४४ ने समृद्धी महामार्गाने नागपूरला येत असताना अनियंत्रित होऊन उलटला. ट्रकमधील द्राक्षाचे बॉक्स रस्त्यावर पडले होते.
पोलीस घटनास्थळी दाखल झाले.जखमी चालक अभिजितला तात्काळ एम्स रुग्णालयात हलविण्यात आले.हिंगणा पोलिसांनी अपघाताची नोंद केली. समृद्धी महामार्गाच्या एन्ट्री पॉईंटवर पथदिवे मागील 15 दिवसांपासून बंद असल्याचे या मार्गावरून जाणाऱ्या नागरिकांनी सांगितले. त्यामुळे हे बंद पथदिवे ताबडतोब सुरु करण्याची मागणी होत आहे.