नागपुरात ॲमेझॉनच्या माध्यमातून पाकिस्तानच्या झेंड्याची ऑनलाईन विक्री केली जात असल्याच्या विरोधात आज (दि.२२) दुपारी महाराष्ट्र नवनिर्माण सेनेचे शहर अध्यक्ष, नेते, पदाधिकारी, कार्यकर्त्यांनी ॲमेझॉनच्या गणेशपेठ येथील कार्यालयावर हल्लाबोल आंदोलन केले. भेटण्याची वेळ मागणारे पत्र दिल्यानंतरही दार लावून घेण्यात आल्याचा संताप व्यक्त करीत थेट कार्यकर्ते दार तोडून आत घुसले.
या आंदोलनात हाती मिळेल, त्या वस्तूची फेकाफेक, खुर्च्या, फर्निचरची तोडफोड करण्यात आल्याने वातावरण तापले होते. शहर अध्यक्ष चंदू लाडे, विशाल बडगे यांच्या नेतृत्वात हे आंदोलन करण्यात आले. ॲमेझॉन कंपनी पाकिस्तानी झेंडे ऑनलाईन विकत असल्याच्या विरोधात तसेच हिंदू धर्माविरोधी पुस्तक विकण्याच्या विरोधात हे आंदोलन करण्यात आले.
विश्वभारत News Website