विश्वभारत News Website
Related Articles
मालमत्ता कराचा भरणा करण्यास निरंतर सुरु मनपा कर विभाग
चंद्रपूर ४ मार्च – मालमत्ता कराचा भरणा करण्यास सुविधता व्हावी यादृष्टीने चंद्रपूर महानगरपालिका कर विभाग सातत्याने सुरु राहणार आहे. केवळ धुलीवंदन ( दि. २९ मार्च ) ची सुटी वगळता इतर सुट्यांच्या दिवशीही कर विभाग सुरु राहणार आहे. कर विभागाचे कर्मचारी पूर्णवेळ कामावर हजर राहणार असुन नागरीकांनी या सुविधेचा लाभ घेण्याचे आवाहन मनपातर्फे करण्यात येत आहे.
चंद्रपूर शहर महानगरपालिकेची मालमत्ता कर वसुली मोहिम मा. आयुक्त यांचे मार्गदर्शनाखाली उपायुक्त श्री. अशोक गराटे यांच्या प्रत्यक्ष नियंत्रणात सहायक आयुक्त यांच्या नेतृत्वात क्षेत्रीय अधिकारी भाऊराव सोनटक्के, नरेंद्र बोभाटे व कर विभाग प्रमुख श्री. सुरेश माळवे यांच्याद्वारे सातत्याने राबविली जात आहे. जास्तीत जास्त मालमत्ता धारकांनी कराचा भरणा करावा या दुष्टीने मनपातर्फे शास्तीमधे सुटही देण्यात आली होती. करातुन येणारे उत्पन्न हे महानगरपालिकेच्या उत्पनाचे मुख्य स्रोत असल्याने व त्यावर आर्थिक बाजू अवलंबित असल्याने कराची वसुली होणे आवश्यक असते. मनपातर्फे याबाबत वेळोवेळी सूचना देण्यात आल्या आहेत.
