विश्वभारत News Website
Related Articles
विश्व भारत ऑनलाईन :
सणासुदीचा काळ आणि त्यातच दिवाळीच्या दिवसात शहरातून गावाकडे येणाऱ्यांची संख्या अधीक असते. यामुळे रेल्वे गाड्यांचे आरक्षण फुल्ल हाेते. मात्र, दिवाळीत अमरावती, विदर्भ, सूरत-भुसावळ, हुतात्मा व महाराष्ट्र एक्स्प्रेस या गाड्यांचे काही बर्थ रिकामे आहेत. यामुळे आताच आरक्षण केल्यास या गाड्यांचे कन्फर्म तिकीट प्रवाशांना मिळू शकते.
दिवाळीत या गाड्यांमध्ये जागा
🚆अमरावती-मुंबई एक्स्प्रेसमध्ये दि. १८ आॅक्टाेबरला ३३ सीट रिकामे आहेत.
🚆नागपूर-मुंबई विदर्भ एक्स्प्रेसमध्ये १८ व १९ ऑक्टोबरला २० सीट रिकामे आहेत, तर २० नंतर वेटीग तिकीट मिळेल.
🚆गाेंदिया-काेल्हापूर महाराष्ट्र एक्स्प्रेसमध्ये १७ ऑक्टोबरला ६३ सीट,
🚆दानापूर-पुणे या गाडीत १८ ऑक्टोबर १२ सीट,
🚆सूरत-भुसावळ एक्स्प्रेसमध्ये दि. १७ ते २० ऑक्टोबर या काळात १८८ सीट,
🚆सूरत-भुसावळ एक्स्प्रेस (दुपारची) या गाडीत याच काळात २०० सीट रिकामे आहेत.
🚆पुणे-भुसावळ हुतात्मा एक्स्प्रेसमध्ये दि. १७ व १८ ऑक्टोबरला ३०० सीट रिकामे आहेत.
दिवाळीत बहुतांश सर्व रेल्वे गाड्यांचे आरक्षण फुल्ल असते. त्यामुळे कनफर्म तिकीट मिळणे जरा कठीण असते.काही गाड्यांचे वेटींग तिकीटही मिळत नाही. गाड्यांना नाे-रूम असल्याने प्रवाशांची गैरसाेय हाेते. यामुळे लांबचे प्रवाशी तिकीट २ ते ३ महिने आधीच आरक्षण करतात.
या गाड्यांना नाे-रूम
पुण्याकडून भुसावळकडे येणारी आझाद हिंद एक्स्प्रेस, झेलम, पुणे-दानापूर एक्स्प्रेस या गाड्यांना दि. १९ ते २४ ऑक्टोबर या काळात नाे-रूम आहे. तर महाराष्ट्र एक्स्प्रेस या गाडीला १९ ते २३ आॅक्टाेबर या काळात नाे-रूम आहे. गाेवा एक्स्प्रेस २० ते २३ दरम्यान नाे-रूम, पुणे-नागपूर नाे-रूम तसेच मुंबईकडून येणारी गीतांजली एक्स्प्रेस, काशी एक्स्प्रेस, कामायनी एक्स्प्रेस या गाड्यांना २० ते २३ ऑक्टोबर या काळात नाे-रूम, पठाणकाेट एक्स्प्रेसला १६५ वेटीग, पुष्पक एक्स्प्रेस १३३ वेटींग. सूरतकडून येणारी ताप्ती गंगा एक्स्प्रेस, नवजीवनला नाे-रूम आहे.
