विश्वभारत News Website
Related Articles
मटणाच्या सूपमध्ये भात का दिलाय,तुमचं जेवण व सर्विस चांगली नाही, असे प्रश्न विचारत दोन ग्राहकांनी हॉटेलमधील वेटरला लाकडी दांडक्याने बेदम मारहाण केली.या मारहाणीत वेटर गंभीर जखमी होऊन मृत्यू झाल्याची घटना घडली आहे. पिंपरी चिंचवड शहरातील पिंपळे सौदागर भागातील सासुरवाडी खाणावळ या भागात घटना घडली आहे.
माहितीनुसार, मटणाच्या सूपमध्ये भात का आहे ? तुमचं जेवण व सर्विस चांगली नाही, असं म्हणत दोघांनी मंगेश संजय पोस्ते या वेटरला बेदम मारहण केली. बेदम मारहाणीत गंभीर जखमी झालेल्या वेटरचा मृत्यू झाला आहे.
पिंपरी-चिंचवड शहरातील पिंपळे सौदागर भागातील सासुरवाडी खाणावळमध्ये सदर घटना काल, मंगळवारी मध्यरात्री १२ वाजण्याच्या सुमारास हा धक्कादायक प्रकार घडला आहे. सांगवी पोलिसांनी अमित अमृत मुठकुळे आणि सचिन सुभाष भवर या दोन आरोपी विरोधात खुनाचा गुन्हा दाखल केला आहे.
