अनेक चित्रपटांमधून आपल्या नृत्याने वेड लावणाऱ्या लावणी सम्राज्ञी आणि अभिनेत्री सुलोचना चव्हाण यांचे शनिवारी निधन झाले. त्यांचा मुलगा विजय चव्हाण यांनी या वृत्ताला दुजोरा दिलाय. त्यांची प्रकृती चिंताजनक असल्याची माहिती समोर आली होती.
साठ वर्षांहून अधिक काळ आपल्या गायनाने रसिकांच्या मनावर अधिराज्य करणाऱ्या महाराष्ट्राच्या लावणीसम्राज्ञी ज्येष्ठ पार्श्वगायिका सुलोचना चव्हाण यांची प्रकृती मागील काही दिवसापासून खालावली होती. काही शस्त्रक्रिया आणि वयोपरत्वे आलेले आजारपण यामुळे त्यांची प्रकृती चिंताजनक होती. अखेर आज शनिवार 10 डिसेंबर रोजी त्यांनी अखेरचा श्वास घेतला.