विश्वभारत News Website
Related Articles
तुळजाभवानी मंदिरामध्ये विशिष्ट प्रकारचे कपडे घालून येणाऱ्यावर बंदी घालण्याचा निर्णय मंदिर प्रशासनाने घेतला होता. मात्र अल्पवधीतच मंदिर प्रशासनाने हा निर्णय मागे घेतलाय.तसेच यासंदर्भात तहसीलदार यांनी जाहीर प्रगटण काढले आहे.
मंदिरामध्ये वेस्टर्न कपडे घालणाऱ्यांना प्रवेश मिळणार नाही. तुळजाभवानी मंदिर प्रशासनाने हा मोठा निर्णय घेतला होता. मंदिर परिसरामध्ये याबाबतचे फलकही लावले होते.
मात्र आता तुळजाभवानी मंदिरामध्ये पूजेसाठी अथवा दर्शनासाठी आलेल्या कोणत्याही भाविकांना कोणतेही निर्बंध घालण्यात आलेले नाहीत, असे मंदिर प्रशासनाने जाहीर केले आहे.
तुळजाभवानी मंदिर परिसरात ‘अंग प्रदर्शन, असभ्य आणि अशोभनीय वस्त्रधारी तसेच हाफ पँट, बर्मुडाधारींना मंदिरात प्रवेश नाही, असे फलक लावण्यात आले होते. या फलकावर ‘कृपया भारतीय संस्कृती आणि सभ्यतेचे भाव ठेवा, अशा प्रकारची विनंतीही करण्यात आली होती.
