विश्वभारत News Website
Related Articles
पंतप्रधान नरेंद्र मोदी यांची राज्यातील पहिली प्रचारसभा रामटेक लोकसभा मतदारसंघातील कन्हानमध्ये होणार आहे. तर गृहमंत्री अमित शहा देखील विदर्भात येत आहेत. १० एप्रिल रोजी सायंकाळी ५ वाजता जाहीर सभा होणार आहे. विशेष म्हणजे रामटेक मतदारसंघ हा शिंदे गटाच्या वाटय़ाला आला असून राजू पारवे हे तेथील महायुतीचे उमेदवार आहेत.
नागपूर, रामटेक, गडचिरोली, भंडारा-गोंदिया व चंद्रपूर या मतदारसंघात १९ एप्रिलला मतदान होणार आहे. पाचपैकी तीन ठिकाणी भाजपचे विद्यमान खासदार आहेत. ‘मिशन-४५’ अभियानानुसार महायुतीने विशेषत: भाजपने या सर्व जागांवर लक्ष केंद्रित केले आहे. प्रचारासाठी पक्षाचे दिग्गज नेते येणार आहेत.
शहा शनिवारी गोंदियात
केंद्रीय गृहमंत्री अमित शहा यांची ६ एप्रिल रोजी गोंदिया येथे जाहीर सभा होणार आहे. शहा ६ एप्रिलला दुपारी ३ वाजता नागपूर येथे येणार असून येथून ते हेलिकॉप्टरने गोंदियाला जातील. तेथे ४ वाजता सभा होईल.
