विश्वभारत News Website
Related Articles
विश्व भारत ऑनलाईन :
शिवसेनेचे निवडणूक चिन्ह असलेला धनुष्यबाण कोणाला मिळावा, यासाठी शिंदे आणि उद्धव ठाकरे गट एकमेका विरुद्ध उभे आहेत. केंद्रीय निवडणूक आयोगात या संदर्भात शुक्रवारी सुनावणी होणार आहे. या सुनावणीमध्ये शिंदे गटाने सादर केलेल्या पुराव्यावर निवडणूक आयोग निवडणूक चिन्हाबाबत काय निर्णय घेते? का फक्त सुनावणी करते? हे निश्चित होणार आहे. दोन्ही गटाचे वकील केंद्रीय निवडणूक आयोगामध्ये युक्तिवादही करणार आहेत, त्यामुळे संपूर्ण महाराष्ट्राचे लक्ष या सुनावणीकडे लागलं आहे.
सुनावणीआधी शिंदेंचा अर्ज
निवडणूक आयोगाच्या या सुनावणीआधी मुख्यमंत्री एकनाथ शिंदे यांनी निवडणूक आयोगाला 1,50,000 प्रतिज्ञापत्रासह अर्ज केला आहे. या अर्जात शिंदेंनी ठाकरे गट धनुष्यबाण या चिन्हाचा गैरवापर करत आहे, तसेच निवडणूक आयोगात कागदपत्रे सादर न करता वेळकाढूपणा करीत असल्याचा आरोप केला आहे.
