विश्वभारत News Website
Related Articles
कर्मचाऱ्यांकडून 1 हजार रुपयांची वर्गणी जमा करण्याचा वादग्रस्त आदेश देणाऱ्या दक्षिण गोव्याच्या जिल्हाधिकारी ज्योती कुमारी यांची तडकाफडकी बदली करण्यात आली आहे. त्यांच्या जागी आश्विन चंद्रू ए. यांची नियुक्ती करण्यात आली आहे.प्रजासत्ताक दिनाच्या कार्यक्रमासाठी सरकारी कर्मचाऱ्यांकडून 1 हजार रुपये देण्याचा आदेश जिल्हाधिकाऱ्यांच्या चांगलाच अंगलट आला आहे.
गोवा सरकारमधील अव्वर सचिव एहांत सावंत यांनी राज्यपालांच्यावतीने हा आदेश जारी केला आहे. ज्योती कुमारी यांची सध्या गोवा मनोरंजन सोसायटीच्या मुख्य कार्यकारी अधिकारी म्हणून नियुक्ती करण्यात आली आहे.
कुमारी यांनी हा वर्गणी गोळा करण्याचा आदेश जारी केला होता. हा आदेश समाज माध्यमावर व्हायरल झाल्यावर एक मोठा गदारोळ माजला होता. महसूल मंत्री बाबुश मोंसेरात यांनी या प्रकाराबद्दल तीव्र नाराजी व्यक्त केली.तसेच कुमारी यांच्याकडून स्पष्टीकरण मागितले होते.
