जागेच्या वादातून काकाची हत्या
– आरोपी पुतण्यास अटक, गुंजेवाही येथील घटना
सिंदेवाही-
जागेच्या वादातून रागाच्या भरात पुतण्याने सख्या काकाची हत्या केली. ही घटना शुक्रवार, 14 मे रोजी दुपारच्या सुमारास घडली. या प्रकरणी पसार झालेल्या पुतण्यास सिंदेवाही पोलिसांनी रात्री अटक केली. मारोती गोविंदा वाढई असे मृतकाचे नाव आहे.
दीपक वाढई असे अटकेतील आरोपीचे नाव आहे.
मागील काही दिवसांपासून पुतण्या-काकामध्ये घराच्या जागेचा वाद सुरू होता. घटनेच्या दिवशी पुन्हा त्यांच्या कडाक्याचे भांडण झाले. दरम्यान, रागाच्या भरात आरोपीने काकास जबर मारहाण केली. मारहाणीत ते गंभीर जखमी झाले. जखमीला तात्काळ उपचारार्थ सिंदेवाही ग्रामीण रूग्णालयात दाखल करण्यात आले. प्रकृती चिंताजनक असल्याने चंद्रपूर येथील सामान्य रूग्णालयात आणत असताना मारोती वाढई याचा वाटेतच मृत्यू झाला.
याप्रकरणाची पोलिसात तक्रार नोंदविण्यात आली. पोलिसांनी घटनास्थळ गाठून पंचनामा केला. आरोपीविरूद्ध भादंवी 302 कलमान्वये गुन्हा दाखल करून अटक केली. या घटनेचा तपास उपविभागीय पोलिस अधिकारी मिलिंद शिंदे यांच्या मार्गदर्शनात सहाय्यक पोलिस निरीक्षक योगेश घारे करीत आहेत.
जागेच्या वादातून काकाची हत्या,आरोपीस अटक
Advertisements
Advertisements
Advertisements