विश्वभारत News Website
Related Articles
केंद्राने तात्काळ ओबीसींची जातनिहाय जनगणना करावी – डॉ. अशोक जिवतोडे
चंद्रपूर,
केंद्र सरकारने ओबीसींची जातनिहाय जनगणना करावी, अशी मागणी राष्ट्रीय ओबीसी महासंघाचे राष्ट्रीय समन्वयक डॉ. अशोक जिवतोडे यांनी मंगळवारी केली. काँग्रेसचे प्रदेशाध्यक्ष नाना पटोले यांच्यासोबत राष्ट्रीय ओबीसी महासंघाची बैठक पार पडली. त्यावेळी ते बोलत होते. बैठकीला दिनेश चोखारे, प्रकाश देवतळे, रामू तिवारी, डॉ. अविनाश वारजुरकर, जयंता जोगी, प्रेमलाल पारधी, कुणाल चहारे, मनोज गौरकार, देवराव दिवसे, अनिल दागमवार, राजू हिवंज, दिलीप पायपरे, सुनील कोहपरे आदींची उपस्थिती होती.
यावेळी डॉ. अशोक जिवतोडे व महासचिव सचिन राजुरकर यांच्या हस्ते आ. नाना पटोले यांचा सत्कार करण्यात आला. स्थानिक स्वराज्य संस्थांमधील धोक्यात आलेले ओबीसींचे राजकीय आरक्षण अबाधित ठेवण्यासाठी राज्यसरकारने न्यायालयाच्या निर्णयानुसार कार्यवाही करावी. इतर मागासवर्गीय अधिकारी-कर्मचारी यांना पदोन्नतीमध्ये आरक्षण लागू करावे, ओबीसींची जातनिहाय जनगणना करण्याबाबत पटोले यांना निवेदन देण्यात आले.
