विश्वभारत News Website
Related Articles
घरकुलाच्या फाईलवर सही करण्याकरिता चार हजार रुपये तसेच तक्रारदार यांच्या नातेवाईकांच्या दोन विहिरीच्या फाईलवर सही करण्याकरिता दहा हजाराची लाचेची मागणी करणाऱ्या सरपंचावर लाच लुचपत प्रतिबंधक विभागाने कारवाई केल्याची घटना वाशीम जिल्ह्यातील मानोरा तालुक्यात घडली.
तक्रारदार यांचे एक घरकूल तसेच त्यांचे नातेवाईक यांचे एक घरकुल असे दोन घरकुलाच्या फाईलवर सही करण्याकरिता चार हजार रुपये तसेच तक्रारदार यांच्या नातेवाईकांच्या दोन विहिरीच्या फाईलवर सही करण्याकरिता दहा हजार रुपये लाचेची मागणी ग्रामपंचायत माहुली चे सरपंच व एका खासगी व्यक्ती कडून करण्यात आली. मात्र तक्रारदार यांनी याविरोधात लाच लुचपत प्रतिबंधक विभागा कडे रीतसर तक्रार दाखल केली. पडताळणी कार्यवाही दरम्यान सरपंच व खासगी व्यक्ती कडून १४ हजार रुपयाची मागणी करून तडजोडी अंती १३ हजार रुपये स्वीकारण्याचे मान्य केले. सापळा कार्यवाही दरम्यान खासगी व्यक्तीने १३ हजार रुपये लाच रक्कम स्वीकारली. आरोपी यांचेविरुद्ध पोस्टे मानोरा येथे गुन्हा दाखल करण्याची प्रक्रिया सुरू होती.
