विश्वभारत News Website
Related Articles
नागरिकांना करता येणार अवैध रेती, गौण खनिज
उत्खनन व साठयाची ऑनलाईन तक्रार
Ø तक्रारदाराचे नाव गोपनीय ठेवण्यात येईल.
वर्धा, (जिमाका):- जिल्हयातील रेती घाटामधुन अवैधरित्या रेतीचे व इतर गौण खनिजाचे उत्खनन, वाहतुक व साठा करवून ठेवल्याच्या तक्रारी वृत्तपत्रातून तसेच नागरिकांकडून दूरध्वनी व्दारे प्राप्त होत आहे. सदर तक्रारी पुराव्यानिशी सादर करण्यासाठी जिल्हा प्रशासनाच्या वतीन लिंक तयार करण्यात आली असून नागरिकांना https://forms.gle/5zMnmk73XxStm3Td8 या लिंक वर तक्रार करण्यासाठी फार्म उपलब्ध करुन देण्यात आला असून नागरिकांनी लिंक व्दारे अवैध रेती उत्खनन होत असल्याचे फोटो , वाहतुकीच्या वाहनाचे फोटो, वाहन क्रमांक व रेती साठा असल्याचे फोटो सह ऑनलाईन तक्रार तक्रार दाखल करावी , तक्रार कर्त्याचे नाव गोपनीय ठेवण्यात येईल, असे जिल्हाधिकारी प्रेरणा देशभ्रतार यांनी सांगितले.
प्रशासनाकडे ऑनलाईन पुराव्यानिशी तक्रार प्राप्त होताच अवैध रेती उत्खनन, गौण खनिज उत्खनन , रेती वाठा व वाहतुक करणा-यांवर कारवाई करणे शक्य होईल. यामुळे अवैध रेती उत्खनन व रेतीसाठेबाजीला आळा बसेल पर्यायाने महसूली उत्पन्नात वाढ होऊन महसूली उत्पन्नाचे 100 टकके उद्दिष्ट साध्य करण्यास मदत होईल, असे जिल्हाधिकारी यांनी कळविले आहे.
