विश्व भारत ऑनलाईन :
नागपूर जिल्हा परिषदेत काँग्रेसचे अध्यक्ष, उपाध्यक्ष निवडून आल्यानंतर मोठा वाद उफाळून आला आहे. काँग्रेसचे जिल्हा परिषद सदस्य नाना कंभाले यांनी माजी मंत्री सुनील केदार हुकूमशाह आणि राजेंद्र मुळक दगाबाज असल्याचा आरोप रविभावन येथील पत्रकार परिषदेत केला.
नेहमी आपल्या क्षेत्रातील सदस्याला अध्यक्ष आणि उपाध्यक्ष करण्यासाठी केदार यांचे प्रयत्न असतात. मात्र, यावेळी आधी मदतीचे आश्वासन दिल्यानंतरही या दोन नेत्यांनी दगाबाजी केल्याचे कंभाले म्हणाले. तर, कंभाले यांनी पक्षाचा व्हीप नाकारला. वरिष्ठ नेत्यांकडे कारवाईसाठी अहवाल पाठविणार असल्याचे मुळक म्हणाले. त्यामुळे काँग्रेसमध्ये अंतर्गत वाद वाढण्याची शक्यता आहे.