खासदार सुप्रिया सुळे यांच्याबद्दल केलेल्या बेताल वक्तव्यामुळे कृषिमंत्री अब्दुल सत्तार चांगलेच अडचणीत आले आहेत. त्यांच्या विरोधात राष्ट्रवादीकडून जोरदार निषेध केला जात आहे.
अब्दुल सत्तारांची दिलगीरी नको. सत्तारांचे कपडे फाडणाऱ्याला 10 लाखांचं बक्षीस देणार असल्याचे जालन्यातील राष्ट्रवादीच्या महिला पदाधिकाऱ्यांनी म्हटले आहे. त्यामुळे कृषिमंत्री अब्दुल सत्तार आणि राष्ट्रवादी काँग्रेसमधील संघर्ष वाढण्याची शक्यता आहे.
‘अब्दुल सत्तारांचे कपडे फाडणाऱ्याला 10 लाखांचे बक्षीस’ असे राष्ट्रवादीच्या जालन्यातील महिला पदाधिकारी रेखा तौर यांनी घोषणा केली. रेखा तौर यांच्या विधानामुळे वाद आणखी चिघळण्याची शक्यता आहे.