विश्वभारत News Website
Related Articles
नागपुरातील मानेवाडा बेसा परिसरातील रेवतीनगरमध्ये शुक्रवार दुपारी एका उभ्या असलेल्या रुग्णवाहिकेतील २ ऑक्सिजन सिलिंडरचा एकाचवेळी स्फोट झाला. सुदैवाने या घटनेत कोणतीही जीवितहानी झाली नाही.अग्निशमन दलाच्या जवानांनी दोन बंबासह तातडीने घटनास्थळी धाव घेतली.
कशी घडली घटना?
रेवतीनगर येथे आज दुपारी साडेतीनच्या सुमारास रुग्णवाहिकेतील २ ऑक्सिजन सिलिंडरचा स्फोट झाला. या स्फोटानंतर बॉम्बसारखा आवाज ऐकू आल्याने स्थानिक नागरिकांमध्ये भीतीचे वातावरण पसरले. लोक घराबाहेर पळत आले. स्फोटानंतर आकाशात धुराचे मोठे लोळ दिसत होते. नागपूर महापालिकेच्या अग्निशमन व आपत्कालीन विभागाचे कर्मचारी आणि बेलतरोडी पोलीस घटनास्थळी दाखल झाले. या आगीचे नेमके कारण समजू शकलेले नाही. तपास पोलीस करत आहेत.
