काँग्रेसचे जेष्ठ नेते, माजी आमदार आणि इंटकचे प्रदेश अध्यक्ष जयप्रकाश छाजेड यांचे काल रात्री साडे दहा वाजेच्या सुमारास निधन झाले. ते 75 वर्षाचे होते. ते नागपूर येथील बैठकीला जात होते. गेल्या काही दिवसांपासून ते आजारी होते. दरम्यान काल त्यांना हदय विकाराचा धक्का आल्याने नाशिकच्या एका खाजगी रुग्णालयात दाखल करण्यात आले होते. तेथे त्यांचा मृत्यू झाला.
काँग्रेस पक्षाशी निष्ठावान असे त्यांचे घराणे होते. युवक काँग्रेस पासून त्यांनी आपल्या कारकीर्दीची सुरुवात केली. पक्षातील शहर आणि प्रदेश पातळीवरील अनेक संघटनात्मक पदे भूषवली. तीन वेळा विधानसभा निवडणूक लढवली होती. विलासराव देशमुख मुख्यमंत्री असताना छाजेड यांची विधानपरिषदेवर आमदार म्हणून नियुक्ती करण्यात आली होती. त्यांच्या पत्नी नाशिकच्या माजी उपमहापौर आहेत.