बऱ्याच वर्षांपासून राज्य सरकारी कर्मचाऱ्यांच्या सेवानिवृत्तीची वयोमर्यादा वाढविण्याचा मुद्दा चर्चेत आहे. आधी राज्य सरकारने जुनी पेन्शन आणि आता सेवानिवृत्त वयोमर्यादा वाढविण्याची मागणी चंद्रपूरचे काँग्रेस खासदार बंडू धानोरकर यांनी केली आहे.
केंद्र सरकारप्रमाणे राज्य सरकारी कर्मचारी आणि अधिकाऱ्यांची सेवानिवृत्तीची वयोमर्यादा ५८ वरून ६० वर्षे करण्यात यावी, अशी मागणी खासदार धानोरकर यांनी केली. मुख्यमंत्री एकनाथ शिंदे या मागणीकडे किती लक्ष देतात, याकडे सर्वांच्या नजरा आहेत.
नागपूर विभाग शिक्षक मतदार संघात आमदार सुधाकर अडबाले यांच्या विजयानिमित्त गांधी चौक चंद्रपूर येथे आयोजित सत्कार सोहळ्यात ते बोलत होते. राज्यातील काँग्रेस आमदारांनी हा प्रश्न उपस्थित करावा, अशी मागणी त्यांनी केली.