केवळ साऊथच नव्हे तर अख्ख बॉलिवूड फिदा असलेल्या समांथा रूथ प्रभू ही अभिनेत्री सध्या मायोसिटीस सारख्या आजाराचा सामना करत आहे. आजारावर उपचार घेत समांथा पुन्हा कामाला लागली आहे. तिच्या नव्या प्रोजेक्टचं शुटींग देखील सुरू झालं आहे. पुष्पामध्ये ‘ऊं अंटावा’…’
गाण्यात समांथानं तिच्या ठुमक्यांनी अनेकांनी घायाळ केलं. त्यानंतर मात्र अभिनेत्री तिच्या आजारपणात पार खचून गेल्याचं दिसलं. पण दुखणं बाजूला सारून ती त्याच जोमानं पुन्हा कामाला लागली आहे. पण असं असलं तर समांथाची दुखणी काही थांबायचं नाव घेत नाहीये. अभिनेत्रीचा नव्या सिनेमाच्या सेटवर अपघात झाल्याची माहिती समोर आली आहे.