विदर्भाची पंढरी अशी ओळख असलेल्या बुलडाणा जिल्ह्यातील शेगावच्या संत गजानन महाराजांच्या दर्शनासाठी जाणाऱ्या भाविकांचा प्रवास आणखी सुखकर होणार आहे.
कारण, भाविकांसाठी शेगाव स्टेशनला 3 ट्रेनचा थांबा देण्यात आला आहे. अकोला स्थानकावरून जाणाऱ्या नागपूर-पुणे एक्स्प्रेससह तीन एक्स्प्रेस गाड्यांना प्रायोगिक तत्वावर 6 महिने थांबा देण्यात आला आहे. प्रवाशांच्या प्रतिसादानुसार हा थांबा कायमस्वरुपी केला जाऊ शकतो.
नागपूर-पुणे-नागपूर एक्स्प्रेस, अमृतसर-नांदेड एक्स्प्रेस, जम्मुतावी-नांदेड हमसफर एक्स्प्रेस या गाड्यांना येताना जातानाही थांबा असणार आहे. या निर्णयामुळे गजानन महाराजांच्या दर्शनासाठी जाणाऱ्या भाविकांचा प्रवास सुखकर होणार आहे.