विश्वभारत News Website
Related Articles
काँग्रेसचे ज्येष्ठ नेते व माजी मुख्यमंत्री अशोक चव्हाण सकाळीच उपमुख्यमंत्री अजित पवारांच्या भेटीला गेले आहेत. अजित पवारांच्या दालनात अशोक चव्हाण उपमुख्यमंत्री अजित पवारांच्या यांच्यात जवळपास एक तास चर्चा झाली. या भेटीचे नेमके कारण समजू शकले नाही. मात्र, या दोन्ही नेत्यांमध्ये तासभर ‘गुफ्तगू’ झाल्याची माहिती सुत्रांनी दिली आहे. त्यामुळे आगामी काळात राजकीय घडामोडी वाढण्याची शक्यता आहे.
मुंबईत आज महाविकास आघाडीच्या आमदारांची संयुक्त बैठक पार पडणार आहे. या बैठकीला महाविकास आघाडीचे प्रमुख नेते मार्गदर्शन करणार आहेत. उद्धव ठाकरे, काँग्रेसचे प्रदेशाध्यक्ष नाना पटोले, राष्ट्रवादी काँग्रेसचे प्रदेशाध्यक्ष जयंत पाटील हे मार्गदर्शन करणार आहेत. या बैठकीत काँग्रेसचे विधिमंडळ गटनेते बाळासाहेब थोरात, समाजवादी पार्टीचे अबू आझमी, शेकापचे नेते जयंत पाटील, शिवसेना ठाकरे गटाचे गटनेते अजय चौधरी, राष्ट्रवादी काँग्रेसचे जितेंद्र आव्हाड तसेच विधानपरिषदेचे सदस्य शिवसेना आमदार अनिल परब, राष्ट्रवादी काँग्रेसचे ज्येष्ठ नेते एकनाथ खडसे उपस्थित असणार आहेत. या बैठकीला अशोक चव्हाण उपस्थित राहणार का? असा प्रश्न यामुळे उपस्थित होत आहे.
