विश्वभारत News Website
Related Articles
तेली समाज रस्त्यावर उतरणार; मराठा समाजाला ओबीसींतून आरक्षण देण्यावरून विरोध
टेकचंद्र सनोडिया शास्त्री:सह-संपादक रिपोर्ट,9822550220
मुंबई। मराठा समाजाला कुणबी जातीचा दाखला देण्याचा निर्णय घेतल्यास कुणबी समाज ओबीसींमध्ये असल्यामुळे तेलीसह अन्य समाजांवरदेखील अन्याय होणार आहे.मराठा समाजाला ओबीसींतून आरक्षण देण्यावरून विरोध होणार,
चंद्रपूर : मराठा समाजाला कुणबी प्रमाणपत्र देण्याच्या प्रक्रियेमध्ये सुसूत्रता आणण्याचे निमित्त करून सरसकट मराठ्यांचे ओबीसीकरण करू नये. मराठा समाजाला कुणबी जातीचा दाखला देण्याचा निर्णय घेतल्यास कुणबी समाज ओबीसींमध्ये असल्यामुळे तेलीसह अन्य समाजांवरदेखील अन्याय होणार आहे. हा अन्याय सहन केला जाणार नाही. तेली समाज रस्त्यावर उतरून कडक विरोध करणार, असा इशारा रविवारी बैठकीतून देण्यात आला.
मराठ्यांना ओबीसी प्रवर्गातून आरक्षण देण्यात येऊ नये या प्रमुख मागणीसाठी समाजबांधव १७ सप्टेंबरला चंद्रपुरातील गांधी चौकातून महामार्चा काढणार आहेत. या महामोर्चाच्या अनुषंगाने रणनीती आखण्यासाठी रविवारी स्व. खासदार बाळूभाऊ धानोरकर अभ्यासिकेत तेली समाजाची आढावा बैठक घेण्यात आली. बैठकीत समाजाच्या अनेकानेक प्रश्नांवर चर्चा करून संघर्षाची रणनिती आखण्यात आली. मराठ्यांना कुणबी प्रमाणपत्र देणे म्हणजे त्यांना ओबीसींमध्ये समाविष्ट करणे आहे. हे प्रत्यक्षात आल्यास ५२ टक्के ओबीसी समाज आपल्या हक्कापासून वंचित राहण्याचा धोका आहे, असेही मत तेली समाजातील पदाधिकाऱ्यांनी मांडले. मराठा समाजाने आजपर्यंत मोठमोठे मोर्चे काढले. आता आपल्याला एकत्रित होण्याची वेळ आली आहे. मराठा आरक्षणाच्या अनुषंगाने काढण्यात येणाऱ्या महामोर्चात कुणबी समाजाने बहुसंख्येने सहभागी व्हावे, असे आवाहन धनोजे कुणबी समाज मंडळाचे अध्यक्ष अॅड. पुरुषोत्तम सातपुते यांनी केले.
अन्नत्याग आंदोलन
मराठा समाजाला ओबीसींतून आरक्षण देण्यात येऊ नये, या प्रमुख मागणीसाठी राष्ट्रीय ओबीसी महासंघाचे जिल्हाध्यक्ष रवींद्र टोंगे आज, सोमवारपासून चंद्रपूर जिल्हाधिकारी कार्यालयासमोर अन्नत्याग आंदोलन करणार आहेत.
भंडाऱ्यात साखळी निदर्शने होणार
भंडारा : सरकारने मराठा समाजाला सरसकट कुणबी प्रमाणपत्र देऊ नये, परराज्यातील लोकांना कुठल्याही कागदपत्रांच्या आधारे महाराष्ट्रातील जात प्रमाणपत्र देऊ नये, मराठ्यांना ओबीसींच्या कोट्यातून आरक्षण देऊ नये, ५२ टक्के ओबीसी समाजाला ५२ टक्के आरक्षण द्यावे, केंद्र सरकारने ५० टक्के आरक्षणाची मर्यादा वाढवावी, राज्य सरकारने काढलेल्या मराठ्यांना कुणबी प्रमाणपत्र देण्याचा जीआर त्वरित रद्द करावा या मागण्यांसाठी भंडाऱ्यात साखळी निदर्शने केली जाणार आहेत. राष्ट्रीय ओबीसी महासंघाचे भंडारा जिल्हाध्यक्ष डॉ. मुकेश पुडके यांनी ही माहिती दिली आहे.
ओबीसी जनगणना, ओबीसी आरक्षणात होणारी घुसखोरी,
विद्यार्थ्यांसाठी वसतिगृह आणि पोलिसपाटील भरतीत ओबीसींवरील अन्यायाविरुद्ध गोंदियात ओबीसी जनआक्रोश महाआंदोलन होणार आहे. येत्या १८ सप्टेंबरला ११ वाजता प्रशासकीय इमारतीसमोर हे आंदोलन केले जाणार आहे. दरम्यान, मराठा समाजाला ५० टक्क्यांतून ओबीसीमधून आरक्षण मिळालेच पाहिजे, यासाठी मराठा क्रांती मोर्चातर्फे १७ रोजी सांगलीत मोर्चा काढण्यात येणार आहे.
