दरम्यान, नेहमीप्रमाणे सकाळी उठून डवरे दांपत्य घरची कामे करताना दिसली नाहीत. त्यामुळे शेजाऱ्यांना संशय आल्याने त्यांनी घरी जावून पाहिले असता, पत्नीचा मृतदेह रक्ताच्या थारोळ्यात पडला होता. तर पतीचा मृतदेह गळफास घेऊन लटकलेल्या अवस्थेत होता.

यानंतर या घटनेची माहिती सर्वप्रथम पोलीस पाटील यांना देण्यात आली. त्यांनी ती माहिती कोरपणा येथील पोलिसांना दूरध्वनीद्वारे संपर्क करून दिली. यानंतर घटनेची माहिती मिळताच ठाणेदार अरुण गुरनुले हे आपल्या ताफ्यासह घटनास्थळी दाखल झाले. त्यांनी दोन्ही मृतदेहांचा पंचनामा केला असून दोन्ही मृतदेह हे कोरपणा येथील ग्रामीण रुग्णालयात शवविच्छेदना करता पाठविले आहेत. तसेच याप्रकरणी मृत पती सुनील डवरे याच्यावर गुन्हा दाखल करण्यात आला आहे.