विश्वभारत News Website
Related Articles
विश्व भारत ऑनलाईन :
मुख्यमंत्री एकनाथ शिंदेंच्या बंडानंतर शिवसेनेला मोठे भगदाड पडले. एकनाथ शिंदे आणि उद्धव ठाकरे यांच्यात शिवसेनेसाठी वाद सुरू असतानाच अंधेरी पूर्व विधानसभा मतदारसंघात निवडणूक लागली आहे. ठाकरेंसाठी महत्त्वाची मानली जाणारी ही निवडणूक भाजपनेही मनावर घेतल्याचे समजते.
या निवडणुकीपूर्वी भाजपचे प्रदेशाध्यक्ष चंद्रशेखर बावनकुळे, मुंबई भाजपचे अध्यक्ष आशिष शेलार यांनी आज केंद्रीय गृहमंत्री अमित शाह यांची भेट घेतली. या भेटीचा फोटो समोर आला.
अंधेरी पूर्व विधानसभा मतदारसंघात पोटनिवडणूक होतेय. या निवडणुकीत शिवसेना पक्षप्रमुख उद्धव ठाकरे यांनी रमेश लटके यांच्या पत्नी ऋतुजा लटके यांना उमेदवारी दिली. शिंदे गट कुणाला उमेदवारी देणार याची उत्सुकता असताना भाजपकडून या जागेवर उमेदवार दिला जाणार आहे. त्यामुळे पक्षफुटीनंतर ही जागा जिंकून भाजप उद्धव ठाकरेंना आणखी एक धक्का देण्याच्या प्रयत्नात असल्याचे राजकीय घडामोडींवरून दिसते.
