विश्वभारत News Website
Related Articles
बागेश्वर धामचे वादग्रस्त पुजारी धीरेंद्र कृष्ण महाराज यांनी संत तुकाराम महाराज यांच्याबाबत अलीकडेच आक्षेपार्ह वक्तव्य केले होते.कुणबी समाजात याचे पडसाद उमटले असून असून धीरेंद्र महाराज यांच्याविरोधात नागपूर पोलिसात तक्रार करणार आहे. विशेष म्हणजे नागपूर पोलिसांनी या वादग्रस्त महाराजांना जादूटोणा कायद्याअंतर्गत क्लिनचीट दिली आहे.
धीरेंद्र कृष्ण महाराज यांनी एका प्रवचनात संत तुकाराम महाराज यांच्याबाबत आक्षेपार्ह विधान करीत त्यांचा अवमान केला. समाजाच्या भावना दुखवल्याप्रकरणी त्यांच्याविरुद्ध गुन्हा दाखल करण्याची मागणी केली जाणार आहे, अशी माहिती अखिल कुणबी समाजाचे पदाधिकारी माजी आमदार दीनानाथ पडोळे यांनी पत्रकार परिषदेत दिली.
धीरेंद्र कृष्ण महाराज स्वयंघोषित कथाकार आहेत. संत तुकाराम महाराज यांच्यावर केलेल्या वक्तव्यामुळे समस्त कुणबी समाजाच्या भावना दुखावल्या गेल्या आहेत. त्यांच्या विरोधात पोलिसात तक्रार दाखल करण्यात येईल, जेणेकरून भविष्यात तुकाराम महाराज यांच्याबाबत कुणीही आक्षेपार्ह विधान करण्याची हिंमत करणार नाही, असे पडोळे म्हणाले.
