Breaking News

८ वर्षीय चिमुरडीवर अत्याचार, आरोपीवर पोस्को अंतर्गत गुन्हा दाखल

वर्धा :- देवळी तालुक्यातील खर्डा येथे रविवारी सकाळी आठ वाजताच्या सुमारास ८ वर्षीय चिमुकलीवर २२ वर्षीय नराधमाने अत्याचार केल्याची खळबळजनक घटना उघडकीस आली.

पीडित चिमुकली तिची सायकल आणण्यासाठी जात असताना आरोपी किरण शहारकर याने तिची वाट अडवून जिल्हा परिषद उच्च प्राथमिक शाळेच्या बाथरूममध्ये नेऊन तिच्यावर अत्याचार केला. चिमुकली रडू लागल्याने नराधमाने तिला वीस रुपये देऊन कोणाला काही सांगायचे नाही असे म्हणून पळ काढला. चिमुकलीला वेदना असह्य होत असल्याने चिमुकली रडत रडत घरी आली.पीडित चिमुकलीचे कुटुंब रोजमजुरी करीत करतात. आईने विचारपूस केल्यावर तिने आपबीती कथन केली. पीडितेच्या वडिलांनी तत्काळ देवळी पोलिस स्टेशन गाठत तक्रार दाखल केली. देवळी पोलिसांनी आरोपीस अटक केली. आरोपीविरूद्ध पोस्को कायदयातंर्गत  गुन्हा दाखल करण्यात आला.  ठाणेदार नितीन लेव्हरकर,पोलिस उपनिरीक्षक अरविंद शिंदे पुढील तपास करीत आहे.

About Vishwbharat

Check Also

नागपुरातील बारूद कंपनीत स्‍फाेट : कामगारांचा जागीच मृत्‍यू

नागपूर (Nagpur)जिल्ह्यातील काटोल तालुक्यातील डोरली पासून जवळच असलेल्या कोतवालबड्डी येथील एसबीएल नामक बारूद कंपनीमध्ये आज …

१२ भाविकांचा मृत्यू : मौनी अमावस्येला महाकुंभात चेंगराचेंगरी : शाही स्नान रद्द

महाकुंभ येथील संगम घाटावर बुधवारी पहाटे संगम येथे चेंगराचेंगरीसारखी परिस्थिती निर्माण झाल्याने या पवित्र सोहळ्याला …

Leave a Reply

Your email address will not be published. Required fields are marked *