विश्वभारत News Website
Related Articles
महावितरणच्या चंद्रपूर परिमंडळाचे जनसंपर्क अधिकारी आनंद वसंतराव कुमरे यांचे आज, सोमवारी निधन झाले. ते 48 वर्षांचे होते. गेल्या पाच वर्षांपासून ते कर्करोगाशी झुंज देत होते. त्यांच्या पश्चात पत्नी व मुलगा आणि बराच मोठा आप्तपरिवार आहे.
महावितरणचे जनसंपर्क अधिकारी म्हणून 2008 पासून आनंद कुमरे यांनी भांडूप, कल्याण, अकोला, नागपूर व चंद्रपूर येथे काम केले आहे.
दरम्यान,पत्रकारिताही केली. चंद्रपूर येथे लोकमत टाईम्सचे प्रतिनिधी म्हणून ते कार्यरत होते. महावितरणचे अतिशय प्रामाणिक व कार्यक्षम अधिकारी असलेले आनंद कुमरे हे चित्रकार, काष्ठ शिल्पकार व मूर्तीकारही होते. चंद्रपूर येथे आनंद कुमरे यांच्या पार्थिवावर अंत्यसंस्कार करण्यात आले.
